Stóra verslunarmannahelgarlægðin

Sem betur fer ætlar ekki að verða eins mikið úr þessari "verslunarmannahelgarlægð" og leit út í fyrstu. Ég veðurfréttanördinn hef verið að fylgjast með lægðinni undanfarna daga á öllum hugsanlegum veðurfréttavefum af þvílíkum áhuga en nú lítur þetta alveg prýðilega út, allavega fyrir okkur sem ætlum að dvelja í Skorradalnum um helgina. Í dag verður reist heljarmikið veislutjald á flötinni á svæði 2 og eftir varðeldinn og sönginn í brekkunni á laugardaginn verður fjölmennt í tjaldið þar sem undirritaður og Bjarni Ara ætlum að leika og syngja fyrir ábúendur á Vatnsendasvæðinu. Klæðum okkur bara eftir veðri og höfum gaman af þessu. Og ef þú þaft að drekka og keyra, drekktu þá bara Pepsi.

Athugasemdir

[Linda Ósk Sigurðardóttir (IP-tala skráð) 5.8.2007 kl. 03:25]

best að drekka þá Pepsí Max..........bið að heila Pepsí Max vinkonu minni....vona að þið hafið það sem allra best í sveitinni

[Einar Bragi Bragason., 6.8.2007 kl. 02:02]

Góða skemmtun