Kaupstaðarferð

Við hjónin höfum átt góðar stundir í Skorradalnum undanfarnar tvær vikur og veðrið hefur aldeilis leikið við okkur hér á suðvesturhorninu. Það er búið að bera á kofann og ditta að einu og öðru, setja niður nokkur tré og grisja aðeins birkið svo fátt eitt sé nefnt. En nú brá svo við að við þurftum að skreppa í kaupstaðarferð í gær, það var orðið tímabært að fara í klippingu og í leiðinni að sækja vistir í kaupfélagið eða "taka kostinn" eins og það var kallað hjá okkur sjókokkum hér áður fyrr . . . Það var yndislegt að koma aftur í dalinn um miðnætti í koppalogni og smá rigningarúða og anda að sér ilminum úr gróðrinum. Þetta eru forréttindi.

Athugasemdir

[Einar Bragi Bragason., 24.7.2007 kl. 20:16]

Já þetta eru forréttindi og spáðu i það, fyrir einhverjum árum síðan hefði maður ekki tekið eftir þessari ró.

[Steingrímur Helgason, 3.8.2007 kl. 21:18]

Aldurinn drengir, aldurinn...

S.